مهـــرجــــان

اللهـم صل علی محمـدوآل محمـد وعجل فـرجـهــم . .
مهـــرجــــان

عـلم و عمـل،دو گوهـرند و انسـان‌ساز..
ماکاری مهم‌تر از "خودسـازی" نَداریم؛
ما"اَبـد"درپیش داریم،
وَ هستیم که هستیم که هستیم...

ز

علمــداری که دست داد،ولی دست نداد . .

جمعه, ۱ آبان ۱۳۹۴، ۰۸:۱۶ ب.ظ




♦ سرلشکر و صاحب علم عباسیم 

سرلشکر و صاحب علم عباسیم ئولوبدی

قوللاری اولوبدی قلم عباسیم ئولوبدی

♦ 

دوزمزدی علینون ایگید اوغلانلاری ننگه

علت اودی عزم ایلدیلر گیتمگه جنگه

آماج اولالار دین حق اوستونده خدنگه

سالدیم یولا بیگانه مثالینده وطندن

بلکه خانم فاطمه راضی اولا مندن

 

شیر اوغلی اگر دوز صود امه حتما اولار شیر

شیر اولماسا شیر اوغلی آناسیندادی تقصیر

دورد شیره ویریب شیر ایلدیم تیغه شمشیر

فخریم بودی که مادر قربانی دینم

زهرا خانمون کلفتیم ام بنینم

سوز یوخدی که هر تک تکی مرد جدلیدی

هر دوردی فرزند نکو فام علیدی

دوزدور هره سی بیربیرسیندن گوزلیدی

هر سنگ بلورین نجه الماس اولا بیلمز

مین اوغلوم اولا هیچ بیری عباس اولا بیلمز

عباس نه عباس جوانمرد و برومند

قدی اوجا گوزلر ایری ابرولری پیوند

سیز هر لبینه لعل دیون منده دیوم قند

من هیچ دیمورم جاهد والا نسبیدی

کلفت بالاسیدی ولی چوخ با ادبیدی

بنذردی علی شانه سینه شانه لریندن

آزدور نه دیسم نرگس مستانه لریندن

منده بیریم عشقلی پروانه لریندن

الله اوزی شاهددی که خشمین اوتانیدی

دردی اولان اشخاصین الیندن دوتانیدی

چوخ یاره دگر عرصه ده سربازه سوزوم یوخ

میداندا دیوللر توخانوبدور اونا بیر اوخ

هر اوخشامادا زینب اونی یاد ایلیر چوخ

گویا اوزی پیکانی چکوبدور یاراسیندان

ایکاش بیلوردوم کی دگوبدور هاراسیندن

♦ 

 قارداش غمی صغرایه او قدر اولدی غم افزا 

بیر نامه یازیب سالدی یولا محض تسلا

ای کاش یازان وقتیده نامه اونا صغرا

یا اوز الیمیلن اوزیمه قبر قازیدیم

یا منده ابوالفضلیمه بیر نامه یازیدیم

اولده یازاردیم ننه قربانون ابوالفضل

چوخداندی سونوب شمع شبستانیم ابوالفضل

اگدی بلیمی سختی هجرانون ابوالفضل

فکر ایلمه هجرانون اولوبدی منه آسان

دردون اریدیب جسمیمی گورسون تانیمازسان

هر یرده سوز اوغلوم سیزه فتح و ظفر اولسون

دشمنلروزون نشه لری بی ثمر اولسون

گورسون بیری ایستور کی حسینه خطر اولسون

عشقین سندین بار دگر معتبر ایله

آچ سینوی سن اوردا حسسینه سپر ایله

یاتسا باشی اوستونده اویاق قال سحر اولسون

چون خوشدی کی گوندن صورا طالع قمر اولسون

قویما آنوین چکدیگی زحمت هدر اولسون

سو ایستسه هر قیمته اولسا دیمه یوخدی

ویر بیر گوزوی آل ایکی گوزدن بیری چوخدی

شایید ده امان نامه گتیردی سنه دشمن

محکم دایان اوغلوم دیه لر نفسیوه احسن

کیم قویسا اگر امر ستکگرلره گردن

مغضوب خدا دشمن گمراه علیدی

عباس اگر اولسادا بدخواه علیدی

قیتر او امان نامه نی پیمانیوه خاطر

پیمانیوه ایمانیوه قرآنیوه خاطر

ال چکمه حسیندن بالا اوز چاتیوه خاطر

تک فویما عزیز اوغلومی اعدا قاباقیندا

سالما اشاقا باشیمی زهرا قاباقیندا

سال یادیوه امریه سلطان حنینی

زهرا بالاسین ساتما که بوینوندادی دینی

بر وقت دیلیم لال اولا تک قویسون حسینی

دشمن قاباقیندا اورگیم باشینی دلمه

مندن اشیت اوغلوم هارا گیتسون بورا گلمه

افسوس خیال عالمی چوخ اولدی مطول

یازسیدیم اگر نامه ابوالفضلیمه اول

قالمازدیم الیم سینه ده محزون و معطل

هر کیم اشیدیب دردیمی غمدن جانا گلدی

گیتسم هارا دیلر کی اوغولسوز آنا گلدی

بیر نامه ولی یازمیشام اسرار نهاندور

بیر نامه دی که عشق سطورینده عیاندور

گلبرگ اونون کاغذی دور جوهری قاندور

مسمار کیمی قلبیمی هر سطری بولوبدی

هر برگ گله یازمیشام عباسیم ئولوبدی

((حسین غفاری))


www.madehin.com

نظرات (۰)

هيچ نظري هنوز ثبت نشده است

ارسال نظر

ارسال نظر آزاد است، اما اگر قبلا در بیان ثبت نام کرده اید می توانید ابتدا وارد شوید.
شما میتوانید از این تگهای html استفاده کنید:
<b> یا <strong>، <em> یا <i>، <u>، <strike> یا <s>، <sup>، <sub>، <blockquote>، <code>، <pre>، <hr>، <br>، <p>، <a href="" title="">، <span style="">، <div align="">

زیبا سازی وبلاگ